काठमाडौं - राष्ट्रिय परीक्षा बोर्डले कक्षा १२ को नतिजा सार्वजनिक गरेको छ   । आज साँझ सार्वजनिक नतिजा अनुसार कक्षा १२ मा ६१.१७ प्रतिशत विद्यार्थी उत्तीर्ण भएका छन् । गत वर्षको भन्दा नतिजामा सुधार आएको छ ।  गत वर्ष ५२ प्रतिशत विद्यार्थी मात्र उत्तीर्ण भएका थिए ।  

त्यस्तै, ३८.८३ विद्यार्थी ननग्रेड भएको राष्ट्रिय परीक्षा बोर्डले जनाएको छ ।  अङ्ग्रेजी, लेखा, सामाजिक र नेपालीमा धेरै विधार्थी फेल (ननग्रेड) भएको बोर्डका अध्यक्ष महाश्रम शर्माले बताए ।

परीक्षामा ५ लाख ११ हजार ५ सय २५ परीक्षार्थी सहभागी भएका थिए । शिक्षकको आन्दोलनका कारण परीक्षा गत वैशाख २१ देखि भएको थियो ।