पछिल्लो २४ घण्टामा नेपालमा थप १० हजार २५८ जनामा कोरोना संक्रमण पुष्टि भएको छ । नेपालमा कोरोना संक्रमण भित्रिएयता एकैदिनमा पुष्टि भएको यो सबभन्दा धेरै संक्रमित संख्या हो । यसअघि २८ वैशाख २०७८ मा ९ हजार ४८३ जनामा संक्रमण पुष्टि भएको थियो ।
स्वास्थ्य तथा जनसंख्या मन्त्रालयका अनुसार देशभरमा गरी २२ हजार ८२८ जनाको परीक्षण गरिएको थियो । १७ हजार ८७२ जनाको पीसीआर टेष्ट गर्दा ८ हजार ७३० र ४ हजार ९५६ जनाको एन्टीजेन परीक्षण गर्दा १ हजार ५२८ जनामा संक्रमण पुष्टि भएको हो ।
पछिल्लो २४ घण्टामा ५६२ जना संक्रमणमुक्त भएका छन् भने एक जनाको मृत्यु भएको छ । हाल देशभर ३९ हजार ४४ संक्रिय संक्रमित छन् ।
0 comment