काठमाडौं - बालकुमारीस्थित स्वाभिमान श्रेष्ठको दुई तले घरमा मध्यराति एक्कासि विद्युत् सर्ट भएर आगलागी भएको छ ।

आगलागीबाट घरको पहिलो तलामा भोजराज भट्टले सञ्चालन गरेको ‘डगेरा फार्मेसी’ जलेर नष्ट भएको महानगरीय प्रहरी प्रभाग कोटेश्वरले जनाएको छ ।

यसैगरी आगलागीबाट श्रेष्ठको घरसँगै एउटा पान पसल, मःम पसल र जुम्बा डान्स सेन्टर पनि जलेर नष्ट भएको प्रहरीले जनाएको छ।

आगलागीबाट भएको क्षतिको विवरण सङ्कलन भइरहेको प्रहरीले जनाएको छ। 

पाँचवटा दमकलको सहयोगमा राति नै आगो निभाइएको प्रहरीले जनाएको छ ।