काठमाडौं - पृथ्वी राजमार्गको जोगीमारास्थित हुग्दी खोला नजिकै त्रिशुली नदीमा ट्रक खस्दा ३ जना घाईते भएका छन् । ट्रक पूर्वी नवलपरासीबाट काठमाण्डौतर्फ आउँदै गरेको थियो ।
चामल लिएर काठमाण्डौतर्फ आउँदै गरेको सो ट्रक त्रिशुली नदीमा खसेर दुर्घटनामा परेको हो ।
ट्रकमा सवार तीन जनामध्ये एक जनाको अवस्था गम्भिर रहेको जिल्ला प्रहरी कार्यालय धादिङले जनाएको छ ।
ट्रक पुरै नदीमा डुबेको अवस्थामा रहेको छ । दुर्घटनाको कारण भने खुल्न सकेको छैन ।
दुर्घटनामा परी १८ वर्षीय चालक आषिस महतो,सहचालक २६ वर्षीय राजु थापा मगर र साहु तनहुको खैरेनी घर भएका ४६ सुरेश गुरुङ्ग घाईते भएका छन् । उनिहरुलाई स्थानीय अस्स्पतालमा उपचार पछी थप उपचारका लागी चितवनको भरतपुरतर्फ पठाईएको छ ।
0 comment