काठमाडौं – दाङको तुलसीपुरमा पिकअपले ठक्कर दिंदा दुईजना पैदल यात्री घाइते भएका छन ।
तुल्सीपुरको गुम्राह चोकबाट विरेन्द्र चोक तर्फ आउदै गरेको लु २ च २७२७ नम्बरको पिकअपले सोही दिसा तर्फ आइरहेको रा १ ह ४५७७ नम्बरको अटोलाई ओभरटेक गर्ने क्रममा अनियन्त्रीत भएर पैदलयात्रीलाई ठक्कर दिदा दुर्घटना भएको प्रहरीले जनाएको छ ।
घाइते हुनेमा पैदलयात्री तुलसीपुर उपमहानगरपालिका १६ निवासी ४० वर्षीय मिना वली र सल्यानको छत्रेश्वरी गाउँपालिका २ निवासी १४ वर्षीय चुडामनी वली रहेको इलाका प्रहरी कार्यालय तुलसीपरका प्रहरी निरीक्षक पर्वत केसीले जानकारी दिनुभएको छ ।
घाइते दुइजना मध्ये मिनालाई थप उपचारका लागी नेपालगञ्ज रिफर गरीएको र चुडामनीको भने राप्ती प्रादेशिक अस्पताल तुलसिपुरमा उपचार भइरहेको प्रहरीले जनाएको छ ।
पिकअप चालक सहित पिकअप र अटोलाई नियन्त्रणमा लिएको र अटो चालक भने फरार रहेकाले खोजी कार्य जारी रहेको प्रहरीले बताएको छ ।
0 comment