काठमाडौं – पश्चिम दाङको रगैँजामा एक किशोर मृत अवस्थामा फेला परेका छन् ।
यसरी मृत्यु हुनेमा पश्चिम दाङको शान्तिनगर गाउँपालिका १ आग्रानेटा निवासी १७ बर्षीय प्रमोद डाँगी रहेको प्रहरीले जनाएको छ । उनी शान्तिनगर ५ रगैंजा नजिकै रहेको नालामा मृत अवस्थामा फेला परेको ईलाका प्रहरी कार्यालय खिलतपुरका प्रमुख मान वहादुर विसीले जानकारी दिएका छन् ।
मंगलबार रगैंजामा रहेको फुपुको घरमा जन्मदिनको पार्टीमा सिद्धाएर गयराति साढे ९ बजेको समयमा घर फर्केका डाँगी मृत अवस्थामा फेला परेको प्रहरीले जनाएको छ । मृतकको शवलाई पोष्टमार्टमको लागी राप्ती प्रादेशिक अस्पताल तुलसीपुरको शव गृहमा राखीएको छ ।
मृत्यु के कारणले भएको हो यस विषयमा थप अनुसन्धान भइरहेको इलाका प्रहरी कार्यालय खिलतपुरले जानकारी दिएको छ ।
0 comment