काठमाण्डौं – उच्चस्तरीय राजनीतिक संयन्त्रको बैठक तीन बजेका लागि बस्ने तय भएको छ । उक्त बैठक बैठक प्रधानमन्त्रीको सरकारी निवास बालुवाटारमा बस्नेछ ।
बुधबार प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’ र एमाले अध्यक्ष केपी शर्मा ओलीबीच बालकोटमा भएको संवादपछि संयन्त्रको बैठक बोलाउने सहमति भएको हो ।

आज बस्ने संयन्त्रको बैठकमा राष्ट्रपतिको उम्मेदवारबारे छलफल हुने प्रधानमन्त्री प्रचण्डले बताइसकेका छन् । राष्ट्रपतिमा कांग्रेस र एमालेले छुट्टाछुट्टै उम्मेदवार उठाउने घोषणा गरिरहेका छन् । प्रधानमन्त्री प्रचण्ड सकभर राष्ट्रपतिमा राष्ट्रिय सहमति कायम गर्ने पक्षमा छन् ।