काठमाडौं - प्रमुख प्रतिपक्षी दल नेपाली कांग्रेसका सांसद भरतबहादुर खड्काले विभिन्न आरोप लागेका सुधन गुरुङ लाई पुनः गृहमन्त्री नियुक्त गरिएको विषयमा सरकारको आलोचना गरेका छन्।
शुक्रबार प्रतिनिधि सभा बैठकमा बोल्दै सांसद खड्काले गृहमन्त्री गुरुङमाथि सम्पत्तिसम्बन्धी लगायतका प्रश्न उठेपछि छानबिनका लागि समिति गठन गरिएको स्मरण गराए। उक्त समितिले गुरुङलाई सफाइ दिएको चर्चा भए पनि प्रतिवेदन सार्वजनिक नगरिकनै पुनः गृहमन्त्री बनाइएको भन्दै उनले असन्तुष्टि जनाए।
खड्काले राष्ट्रिय मानव अधिकार आयोग ले जेनजी आन्दोलनसम्बन्धी घटनाको छानबिन गर्न सिफारिस गरेको उल्लेख गर्दै गुरुङमाथि उठेका प्रश्नहरूबारे स्पष्टता आवश्यक रहेको बताए। उनले सुशासनको नारा दिने सरकारले आफ्ना निकट व्यक्तिलाई संरक्षण र पुरस्कृत गर्ने काम गरिरहेको आरोप लगाए।
“माननीय गृहमन्त्रीमाथि सम्पत्तिलगायतका विषयमा प्रश्न उठेपछि समिति बनाइयो। उक्त समितिले चोख्याएको सुनिन्छ, तर प्रतिवेदन सार्वजनिक नगरिकन फेरि उहाँलाई गृहमन्त्री बनाइयो,” खड्काको भनाइ उद्धृत गर्दै उनले सरकारको कार्यशैलीप्रति प्रश्न उठाए।
उनले दोषीमाथि कारबाही गर्नुको सट्टा सरकारले संरक्षण र पुरस्कार दिने प्रवृत्ति देखाएको आरोप लगाउँदै सुशासनको प्रतिबद्धता व्यवहारमा पनि देखिनुपर्ने बताए। सांसद खड्काले प्रधानमन्त्री वालेन्द्र शाहले संसदमा दिएको अभिव्यक्ति रेकर्डबाट हटाउन पनि माग गरे।
0 comment