काठमाडौं - कांग्रेस सभापति गगनकुमार थापाले आफूले दिएको राजीनामा पराजित मानसिकताबाट नआएको उल्लेख गरेका छन्। सभापति थापाले बुधबार उपपसभापति विश्वप्रकाश शर्मालाई बुझाएको राजीनामा पत्रमा आफूले राजीनामा दिनुको कारण उल्लेख गरेका हुन् । 

थापाले नेतृत्वको कर्तव्यअनुसार लोकतान्त्रिक संस्कारमा परिणामको जिम्मेवारी लिनु आफ्नो निर्णय भएको बताएका छन्। उनले सभापतिबाट राजीनामा दिए पनि पार्टी सुधार र पुनर्निर्माणको यात्राबाट आफू अलग नभएको स्पष्ट पारेका छन् ।

उनले पार्टी सुधारको यात्राबाट आफू अलग नभएको र आगामी दिनहरूमा देशका विभिन्न भागमा संवाद गर्ने योजना रहेको समेत बताएका छन् ।थापाले निर्वाचनमा पराजित भए लगत्तै राजीनामा दिने मनस्थिति बनाउँदा पार्टीका विभिन्न तहमा नेताहररू, समर्थक र शुभेच्छुकहरूले राजीनामा नदिन दबाब दिँदै आएका थिए  ।