काठमाडौं - कक्षा १२ को परीक्षा आगामी जेठ १८ गतेदेखि हुने भएको छ।
शुक्रबार बस्ने राष्ट्रिय परीक्षा बोर्ड बैठकबाट परीक्षा तालिका सार्वजनिक गर्ने तयारी रहेको बोर्डका एक अधिकारीले जानकारी दिए।
बोर्डकाअनुसार आगामी जेठ १८ गतेबाट परीक्षा सञ्चालन गर्न तयार गरिएको प्रस्तावलाई बोर्ड बैठकले स्वीकृति प्रदान गर्नेछ।
बोर्डले अनलाइन माध्यमबाट प्रश्नपत्र पठाउने भएको छ। परीक्षा विद्यार्थीको भौतिक उपस्थितिमा नै सञ्चालन गरिनेछ।
यसअघि बोर्डले यस वर्षको एसईई आगामी वैशाख ९ देखि २० गतेसम्म सञ्चालन गर्नेगरी परीक्षा तालिका सार्वजनिक गरिसकेको छ।
0 comment