काठमाडौं - यस वर्षको माध्यमिक शिक्षा परीषा (एसइई) आजदेखि सुरु भएको छ।
बिहान ८ बजेदेखि देशभर एकैसाथ परीक्षा सुरु हुने राष्ट्रिय परीक्षा बोर्डका अध्यक्ष डा. महाश्रम शर्माले बताए।
‘परीक्षाको सबै तयारी पूरा भइसकेको छ। ७७ वटै जिल्लाका सबै जिम्मेवार निकायसँग अनलाइनमार्फत बैठक सम्पन्न भएको छ’, उनले भने, ‘परीक्षा शान्तिपूर्ण, मर्यादित र व्यवस्थित रूपमा सम्पन्न गराउन सबैमा आह्वान गर्दछौं।’
उनका अनुसार बिहीबारै सबै परीक्षा केन्द्रका लागि केन्द्राध्यक्ष नियुक्ति, सुरक्षा व्यवस्था, जनशक्ति परिचालन, प्रश्नपत्र र उत्तर पुस्तिका पुर्याउनेलगायतका सबै काम सकिएको छ।
यस वर्ष ५ लाख १६ हजार ५९१ विद्यार्थी एसईई परीक्षाका सहभागी हुँदैछन् ।
0 comment