काठमाडौं - नक्कली भुटानी शरणार्थी प्रकरणमा कैद सजाय भुक्तान गरिरहनुभएका पूर्वमन्त्री टोपबहादुर रायमाझी रिहा भएका छन्।
ज्येष्ठ नागरिक छुट पाएर डिल्लीबजार कारागारबाट आज रायमाझी रहा भएको कारागार प्रशासक विक्रमप्रसाद पाण्डेले जानकारी दिए ।
पैसठ्ठी वर्ष पूरा भएका रायमाझीले ज्येष्ठ नागरिकले पाउने सुविधाअनुसार रिहा भएका हुन् । कारागार प्रशासनले रायमाझीलाई परिवारको जिम्मा लगाएको छ ।
सर्वोच्च अदालत यही कात्तिक १६ गते पूर्वमन्त्री रायमाझीलाई सो छुट सुविधा दिन कारागार प्रशासनलाई पत्राचार गरेको थियो ।
0 comment