काठमाडौं - पोखरा महानगरपालिकाले फेवाताल छेउछाउमा बनाइएका टहरा भत्काउन सुरू गरेको छ ।
महानगरपालिकाले आज बिहानदेखि डोजर लगाएर फेलाताल छेउछाउका टहरा भत्काउन सुरू गरेको हो ।
३२ वटा टहराहरू डोजर लगाएर भत्काइएको महानगरले जनाएको छ । नेपाल प्रहरी सहितको सहयोगमा टहराहरू भत्काउन सुरु गरिएको हो ।
पर्यटन व्यवसायी कर्ण शाक्यको होटल वाटर फ्रन्टमा पनि डोजर चलेको छ ।
वाटर फ्रन्टको स्विमिङ पुल, गेट लगायत संरचनामा आज बिहानै प्रहरीले भत्काएको छ । गृहमन्त्रालयको निर्देशन बमोजिम आज बिहानै प्रहरी र स्थानीय सरकारसँग मिलेर डोजर अपरेसन सुरु गरेको छ ।
सर्वोच्च अदालतले पनि उक्त होटल हटाउन छुट्टै आदेश दिएको थियो । अहिले होटलको अरु संरचना भने चलाइएको छैन ।
ताल किनारबाट ६५ मिटर भित्र परेका कारण ती संरचना भत्काइएको कास्कीका प्रहरीले जनाएको छ । ताल किनारमा रहेका खपौंदी, सेदी लगायत क्षेत्रमा डोजर चलाइएको छ ।
.jpg)
0 comment