काठमाडौं - निर्वाचन आयोगले कानुनअनुसार अयोग्य ठहर भएका ७६ जनाको नाम समानुपातिक बन्दसूचीबाट हटाएको छ । विभिन्न दलले अयोगमा बुझाइएको बन्दसूचीबाट ती नामहरू हटाइएको हो ।
प्रचलित कानुनबमोजिम तोकिएको उम्मेदवारको योग्यता र अयोग्यतासम्बन्धी व्यवस्थाका आधारमा समानुपातिक बन्दसूचीबाट नाम हटाएको आयोगका प्रवक्ता सहसचिव नारायणप्रसाद भट्टटराईले बताए ।
आयोगका अनुसार हटाइएका मध्ये कर्जा सूचना केन्द्रको कालोसूचीमा रहेका २१, प्रदेश सभा सदस्य समानुपातिक निर्वाचन प्रणालीतर्फको बन्दसूचीमा कायम रहेका २५, निर्वाचन आयोगबाट तोकिएको जरिवाना भुक्तान गरेका १०, २५ वर्ष उमेर पूरा नभएका चार, मतदाता नामावलीमा समावेश नभएका एक, महिला उम्मेदवार पेस हुनुपर्नेमा पुरूष उम्मेदवार पेस भएका–१, मतदाता नामावली पिछिडिएको क्षेत्रमा नरहेका दुईजना र सम्बन्धित राजनीतिक दलबाट नाम हटाउन सिफारिस भएका १० र बढी कारण भएका दुईजनाको नाम हटाइएको आयोगले जनाएका छ ।
0 comment