काठमाडौं – ललितपुरमा कार र ट्याक्सी एक आपसमा ठोक्किँदा २ जनाको मृत्यु भएको छ भने ६ जना घाइते भएका छन् ।
यसरी मृत्यु हनेमा ट्याक्सीमा सवार ललितपुरको ताल्चीखेल बस्ने सुनसरीका ४७ वर्षीय सरोज कुमार बिक र कारमा सवार काठमाडौंको कलंकीमा बस्दै आएका मोरङका अन्दाजी ३५ वर्षीय धनबहादुर बस्नेत रहेको प्रहरीले जनाएको छ ।
घाइतेहरूको सोही अस्पतालमा उपचार भइरहेको छ । घाइते भएकामध्ये कार चालक कलंकी बस्ने झापा बिर्तामोडका ३५ वर्षीय वीरबहादुर बिकको अवस्था गम्भीर रहेको प्रहरीले जनाएको छ ।
ग्वार्कोबाट सातदोबाटोतर्फ आउँदै गरेको बा २ ज ३४२० नम्बरको ट्याक्सी र विपरित दिशाबाट जाँदै गरेको बा ४ च १ नम्बरको कार गएराति साढे १२ बजे एक आपसमा ठोक्किंदा दुर्घटना भएको हो ।
0 comment