काठमाण्डौं – गएराती सोलुखुम्बुको थुलुङ दुधकोशी गाउँपालिका ६ मैदेल स्थित एक घरमा आगलागी हुँदा करिब ३ लाख बराबरको क्षति भएको छ ।
अन्दाजी पौने २ बजे फुरी तामाङको घरमा आगलागी हुँदा सो बराबरको क्षति भएको जिल्ला प्रहरी कार्यालय सोलुखुम्बुले जनाएको छ ।
घटनामा कुनै चौपाय तथा मानविय क्षति भने भएको छैन तर घर पुर्ण रुपमा जलेर नष्ट भएको छ । सुचना अधिकारी एवं प्रहरी निरीक्षक ज्ञानबहादुर माझीका अनुसार चुलोबाट सल्किएको आगोले तामाङको घरसहित भित्र रहेको सम्पूर्ण अन्नपात, भाडापर्तन, लत्ताकपडा जलेर नष्ट भएको छ ।
मुक्ली प्रहरी चौकीबाट खटिएका प्रहरी र स्थानीयको सहयोगमा विहान ३ः१५ बजे मात्रै उक्त घरमा लागेको आगो नियन्त्रणमा आएको थियो ।
0 comment