काठमाडौं - मधेश प्रदेशका सभामुख रामचन्द्र मण्डलले पद अनुकुल आचरण नगरेको भन्दै दर्ता भएको प्रस्तावमाथि छलफल गर्न आज प्रदेश सभा बैठक बोलाईएको छ ।
गत कात्तिक २७ गते मधेश प्रदेश सभामा सात दलीय गठबन्धनका ६४ जना प्रदेश सांसदले सभामुख मण्डल विरुद्ध पद अनुकूल आचरण नगरेको प्रस्ताव प्रदेश सभामा दर्ता गराएका थिए । सोही बिषयमा आजकव बैठकमा छलफल हुनेछ । सो विषयमा एक साताभित्र सदनमा छलफल गर्नुपर्ने कानुनी व्यवस्था छ ।
बैठक आज दिउँसो १ बजेका लागि आह्वान गरिएको मधेश प्रदेश सभा सचिवालयले जनाएको छ ।
सात दलीय गठबन्धनका ३२ जना प्रदेश सांसदले मंगलबार प्रदेशसभा बैठक बोलाउन उपसभामुख ईश्वरलाई ज्ञापनपत्र बुझाएका थिए । उपसभामुख बबिता राउत ईशरको निर्देशनमा आजको बैठक बोलईएको हो ।
0 comment