मकवानपुरको मनहरी–९ ज्यामिरेमा रोकिराखेको ना. ६ ख ४५२० नम्बरको ट्रकलाई खनतलासी गर्दा १ सय ५८ किलो लागू औषध गाँजा प्रहरीले बरामद गरेको छ । 

प्रहरीले ट्रकको चालक र सहचालकको खोजी गर्नेक्रममा गएराति नै सोही स्थाननजिकैबाट थाहा नगरपालिका–३ गोपालीगाउँ बस्ने १८ वर्षीय विशाल गोपालीलाई पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता डीएसपी टेकबहादुर कार्कीले जानकारी दिए ।

उनका अनुसार ट्रक जिल्लाकै थाहा नगरपालिकाबाट मनहरी आएको थियो । ट्रकका चालक फरार रहेको र उनको खोजी भइरहेको डीएसपी कार्कीले बताएका छन् ।