काठमाण्डौं – नमोबुद्ध नगरपालिका–७ भकुण्डेमा बसले ठक्कर दिँदा ८ वर्षीया दिविसा अधिकारीको घटनास्थलमै मृत्यु  भएको हो ।

बिहीबार दिउँसो बा.२ ख ७३४२ नम्बरको बसले बालिकालाई ठक्कर दिएको प्रहरीले जनाएको छ । 

बालिकाको मृत्यु पछि आक्रोशित स्थानीय बासिन्दाले बसमा आगजनी गरेका छन् । यतिबेला बिपी राजमार्ग अवरुद्ध गर्दै स्थानीयहरूले प्रदर्शन गरिरहेका छन् । उक्त बस काठमाडौंबाट भकुण्डेतर्फ जाँदै गरेको प्रहरीले जनाएको छ ।