काठमाडौं – कैलालीको टीकापुरमा एक जना नाम, थर नखुलेका पुरुषको शव फेला परेको छ ।

कैलालीको टीकापुर नगरपालिका–२ सन्कट्टि घाटस्थित कर्णाली नदी किनारमा अन्दाजी ६० वर्षीय पुरुष मृत अवस्थामा फेला परेको कैलाली प्रहरीले जनाएको छ 
पहिचानका लागी प्रहरी कार्यालयमा सम्पर्क गर्न अनुरोध गरिएको छ । नामथर, ठाउँ खुल्न नआएको उचाई ५ फिट २ ईन्च, खैरो रङ्गको दाउरा सुरुवाला, खैरोमा कालो धर्का भएको हाप कोट, कालो रङ्गको जुत्ता मोजा, सेतो भेष्ट लगाएको, कपाल र दाह्री सेतो, ओठ र नाक मुनी सेतो दुबी जस्तो दाग, गोलो अनुहार भएको पुरुषको शव फेला परेको हो । 

जिल्ला प्रहरी कार्यालय कैलालीबाट खटिएको प्रहरी टोलीले प्रारम्भिक अनुसन्धान गरी मृतको शव टीकापुर अस्पतालको शव गृहमा राखीएको छ ।