काठमाण्डौं – रुकुम पश्चिमको मुसिकोट नगरपालिका –१४ छिवाङ ज्युलाको बगरमा हिजो राति ट्याक्टर दुर्घटना हुँदा सह चालकको ज्यान गएको छ भने चालक गम्भिर घाइते भएका छन् ।

यसरी दुर्घटनामा परी मृत्यु हुनेमा भेरी नगरपालिका –१ जाजरकोटका ३४ वर्षीय सह चालक हरिबहादुर विक रहेको प्रहरीले जनाएको छ । दुर्घटनामा परी गम्भीर घाईते भएका मुसिकोट नगरपालिका ६ घोरखानीका २२ वर्षीय मनबहादुर विक (ट्याक्टर चालक)लाई थप उपचारको लागी नेपालगञ्ज पठाइएको छ ।

ना ६ त ७७१३ नम्बरको ट्याक्टर सोलावाङबाट सानीभेरी गाउँपालिकाको सिम्लीतर्फ जाँदै गर्दा दुर्घटना भएको हो । ट्रलिबिनाको खाली ट्याक्टर अनियन्त्रित भई सडकबाट करिब दुई सय मिटर तल खसेको थियो ।