काठमाडौं - चितवनको उपरदाङगढीमा पिकनिक खाएर फर्कदैँ गरेको स्कुल बस दुर्घटना हुँदा १५ जना घाइते भएका छन् ।
कालिका नगरपालिका ४ पदमपुरस्थित चित्रवन माविको म.प्र ०३–००१ क २६७७ नम्बरको बस दुर्घटनामा परेको जिल्ला प्रहरी कार्यालय चितवनले जनाएको छ ।
कालिका नगरपालिका ९ मा भएको दुर्घटनामा १५ जना घाइते भएको छ । घाइतेहरु मध्ये ९ जनाको नयाँ मेडिकल कलेज र ६ जनाको पुरानो मेडिकल कलेजमा उपचार भइरहेको छ । घाइते एक जनाको अवस्था गम्भीर रहेको प्रहरीले जनाएको छ ।
उपरदाङगढी गएर फर्कने क्रममा ब्रेक फेल भई आज साँझ विद्यार्थी बोकेको बस दुर्घटनामा परेको हो ।
0 comment